Og'ir atletika. Bolgariyadagi yig'in qizg'in davom etmoqda

Xabar berib o'tganimizdek, og'ir atletikachilarimiz oldinda turgan muhim musobaqalarga tayyorgarlik olib borishmoqda.

Polvonlarimiz o'quv-mashg'ulot yig'inlarining ikkinchi bosqichida ishtirok etish uchun Bolgariyaga yo'l olganliklari haqida xabar berib o'tgandik.

Evropa qit'asida davom etayotgan mashg'ulotlar jarayonida sportchilarimizning jismoniy va funktsional holatini yaxshilashga e'tibor qaratilmoqda. Shu bilan birgalikda, ular bo'lajak litsenzion musobaqalarga ruxiy jihatdan ham tayyorgarlik ko'rishmoqda. Atletlarimizni yil davomida bir qator nufuzli musobaqalar kutib turibdi. Umid qilamizki Ukraina va Bolgariyadagi mashg'ulotlar ana shu muhim musobaqalarda o'z samarasini beradi.

Eslatib o'tamiz, terma jamoamiz yig'inda quyidagi tarkibda ishtirok etmoqda:

Sportchilar:

Farhod Sobirov
Adhamjon Ergashev
Sunnatulla O'sarov
Muhammadqodir Toshtemirov
Rustam Djangabaev
Akbar Jo'raev
Doston Yoqubov

Murabbiylar:

Bahrom Mendibaev
Erjas Boltaev

Massajchi:

Obiddin Muslimov.

O'quv-mashg'ulot yig'inlari 4 martga qadar davom etadi.