Levandovski — Bundesliganing bitta klubida urgan gollari soni bo'yicha kuchli uchlikka kirdi

«Bavariya» klubi Bundesliganing 15-turi doirasida Menxengladbaxda «Borussiya» klubi mehmoni bo'lib, 2:3 hisobida mag'lub bo'ldi. Myunxenliklar hujumchisi Robert Levandovski kechagi bahsning 20-daqiqasida penaltidan unumli foydalanib, hisobni ochgandi.

Polshalik futbolchi uchun mazkur gol «Bavariya» safida Bundesliga doirasidagi 182-gol bo'ldi. Ushbu ko'rsatkich bo'yicha u Ulf Kirsten («Bayer») va Klaus Fisher («Shalke»)ga tenglashib oldi.

Ushbu ko'rsatkich bo'yicha Yupp Xaynkes («Borussiya Menxengladbax», 195) va Gerd Myuller («Bavariya», 365) etakchi bo'lib turishibdi.