Turkiya terma jamoasi bosh murabbiysiz qoldi

Ruminiyalik mutaxassis Mircha Luchesku Turkiya terma jamoasi bosh murabbiyi vazifasini topshirdi.

Turkiya futbol federatsiyasi rasmiy sayti xabariga ko'ra, mehnat shartnomasining tugatilishi haqida qaror har ikki tomonning kelishuvi bilan chiqarildi.

"Biz Turkiya termasini yoshartirdik, shu bilan ishimiz yakuniga etdi, deb hisobladik. Evro-2020 saralashida yangi murabbiy ishlasin. Federatsiya bilan barchasini muhokama qildik, o'zaro kelishuvga ko'ra, ajralishdik", - deydi Luchesku.