«9» – endi bu raqam abadiy unga tegishli
/ Kiritdi: BestMaster Ko'rilgan: 3041
“Nant” kecha La-Manshdan tanasi topilgan Emiliano Salani xotirasini abadiylashtirish uchun bir ish qildi.
Frantsiya klubi Sala o'ynagan 9-raqamni butkul muomiladan chiqardi.
Emiliano Sala 19 yanvar kuni “Nant”dan “Kardiff” safiga 20 million evro evaziga o'tgan edi. Ushbu futbolchi Uels jamoasi uchun eng qimmat xarid edi.
Argentinalik futbolchi “Kardiff” bilan shartnoma imzolagach, sobiq jamoadoshlari bilan xayrlashish uchun Frantsiyaga PA 46 Malibu samolyotida qaytgan edi.
21 yanvar kuni xuddi shu samolyotda Sala Kardiff tomon yo'lga chiqqan. Samolyot bilan aloqa dushanba kuni soat 20:00 larda (mahalliy vaqt bilan) uzilgan. Bundan oldin samolyot aviadispecherlardan La-ManshningGernsi orolida favqulodda qo'nishni so'ragan.
Politsiya 22 yanvarda qidiruv-qutqaruv ishlarini boshlab 24 yanvarda tugatgan edi. Salaning qidiruviga Ngolo Kante, Sesk Fabregas, Dmitri Payet, Kilian Mbappe kabi futbolchilar moddiy yordam berishdi.
Ma'lumot o'rnida, Emiliano Sala “Bordo”, “Orlean”, “Nor”, “Kan” va “Nant” jamoalarida to'p surgan .“Kardiff” safida maydonga tushishga esa ulgurmadi.U endigina 28 yoshga to'lgan edi.
Bosh sahifaga
196