Doston Ibrohimov «Buxoro»ning Toshkentdagi yig'iniga qo'shildi

Yangi mavsum hozirliklari doirasida ilk yig'inni Toshkentda 18-30 yanvar kunlari o'tkazkan “Buxoro” jamoasi a'zolariga 3 kun dam berilgan edi.

Navbatdagi yig'in esa 3 fevraldan boshlab Toshkentda davom ettirilmoqda. Buxoroliklar bu safar 15 fevralga qadar poytaxtda mashg'ulotlar olib borishadi.

Kuni kecha jamoa futbolchilari Respublika ilmiy-amaliy sport tibbiyot markazida tibbiy ko'rikdan o'tishdi. Jamoa safiga oxirgi mavsumlarni “Paxtakor” jamoasida o'tkazgan yarim himoyachi Doston Ibrohimov kelib ko'shildi, shuningdek klub matbuot xizmatining ma'lum qilishicha, jamoa safiga bir necha ligionerlar ham qo'shilishi kutilmoqda.

Yig'in davomida bir necha nazorat o'yinlari o'tkazish rejalashtirilgan. Jumladan, bugun “Andijon”, 9 fevral kuni “Bunyodkor” va 12 fevral kuni “Dinamo”ga qarshi maydonga tushiladi.