Eldor Suyunov: «Bu men uchun katta sovrin»

“Paxtakor” darvozaboni yilning eng yaxshi posboni sifatida e'tirof etildi.

Yilning eng yaxshilarini taqdirlash marosimida "Sherlar" posboni Eldor Suyunov eng yaxshi darvozabon nominatsiyasida eng ko'p ovoz olishga erishdi.

Yutug'i xususida Suyunovning taassuroti quyidagicha bo'ldi:

- Bu men uchun katta sovrin sanaladi. O'z navbatida katta mas'uliyat yuklaydigan mukofot. Buni o'zimning yutug'im deb qabul qilmayman, butun jamoaning mehnati katta. Fursatdan foydalanib, jamoadoshlarim, murabbiylar, rahbariyat, xodimlar va muxlislarga mavsum mobaynida bizni qo'llab-quvvatlashgani uchun minnatdorchilik bildiraman”,-deydi darvozabon.