«Qo'qon-1912»da futbol qoidalari bo'yicha seminar bo'lib o'tdi

Yangi mavsumga Farg'ona shahrida tayyorgarlik ko'rayotgan “Qo'qon-1912” futbolchilari uchun, futbol qoidalaridagi o'zgarishlarga bag'ishlangan seminar o'tkazildi.

Seminarni O'zbekiston futbol assosatsiyasi, hakamlar departamentining etakchi mutaxassisi Vladislav Tseytlin o'tkazdi.

Seminar davomida futbolchilar FIFA tomonidan futbol qoidalariga kiritilgan o'zgarishlar borasida ma'lumotga ega bo'ldilar.

Qo'qonliklar matbuot xizmati tomonidan ma'lumot berilishicha, Tseytlin futbolchilarga futbolda uchrab turadigan bahsli holatlar aks etgan videolavhalar namoyish qilib bunday vaziyatlarda qanday harakat qilish lozimligini tushuntirib o'tdi. O'z navbatida futbolchilar ham o'zlarini qiziqtirgan savollarga mutaxassisdan javoblar olishdi.