Farg'onada Superliga hakamlari uchun o'quv-mashg'ulot seminari davom etmoqda

1 fevral kuni Farg'onada Superliga hakamlari uchun o'quv-mashg'ulot seminari boshlangani haqida xabar berib o'tgandik.   Hakamlar o'quv-mashg'ulot seminari davomida viloyat hokimi Kubogi musobaqasida o'yinlarni boshqarishmoqda. Uchrashuvlardan so'ng hakamlar tomonidan yo'l qo'yilgan xato va kamchiliklarni tahlil qilish bo'yicha nazariy mashg'ulotlar olib borilmoqda.   Shuningdek, har kuni ertalab jismoniy tayyorgarlik bo'yicha mashg'ulotlar ham o'tkazilyapti. Seminarni O'FA Hakamlar va nazoratchilar departamenti boshlig'i Ma'mur Saidqosimov va  Vladislav Tseytlin olib borishmoqda.   Mazkur seminar 10 fevralga qadar davom etadi.