Ernesto Valverde: «Messini almashtirgan bo'lardim, agar uning o'zi buni so'raganida»

«Barselona» bosh murabbiyi Ernesto Valverde Ispaniya La ligasining 22-turi doirasida bo'lib o'tgan «Valensiya»ga qarshi o'yin (2:2) borasida o'z fikrlarini bildirib o'tdi.

O'yin haqida
«Birinchi bo'lim g'alati bo'ldi. «Valensiya» o'yinni juda yaxshi boshladi va imkoniyatlardan foydalandi. Ammo biz o'yinda tashabbusni o'zimizda ushlab turdik va gol urishimiz sezilib turgandi».

Messi haqida
«Uning ahvoli yaxshi, ammo uni tibbiy ko'rikdan o'tkazamiz. Umid qilaman, hammasi joyida bo'ladi. Keling, shifokorlarning xulosasini kutamiz. Nazarimda, jarohat jiddiy emas. Agar Messining o'zi so'raganida, men uni almashtirgan bo'lardim, ammo u menga hech narsa demadi.

Agar sog'ligi joyida bo'lsa, Messi «Real»ga qarshi o'yinda ishtirok etadi, aks holda uning o'rniga boshqa futbolchini maydonga tushiraman», – dedi Valverde.