Rashidov bugun Portugaliya chempionatida debyut qilishi mumkin

Xabaringiz bor, iqtidorli futbolchilarimizdan biri Sardor Rashidov kelgusida o'z faoliyatini Portugaliyaning “Nasonal” jamoasida davom ettiradi.

Evropaning G'arbiy qismida, Ronaldu vatanida to'p suradigan ilk o'zbek futbolchisi kuni kecha o'ziga 77-raqamni tanladi. Uning bugun Primeyra-liga doirasida “Setubal” jamoasiga qarshi o'tkaziladigan bahsda yangi jamoasi safida debyut qilishi kutilmoqda.

Sardor Rashidov shu kungacha “So'g'diyona” (yoshlar), “Bunyodkor”, “Al-Jaish” (Qatar), “Al-Jazira” (BAA) va “Lokomotiv” jamoalari tarkibida maydonga tushgan.