«A» Seriya. Ronaldu to'purarlar poygasida birinchi o'ringa chiqib oldi

Turinning “Yuventus” klubi hujumchisi Italiya chempionatining 22-turida “Parma” darvozasiga ikkita gol urishga erishdi.

Shu tariqa, portugaliyalik hujumchi “A” Seriyadagi gollari sonini 17 etkazib oldi va “Sampdoriya” hujumchisi Fabio Kualyarellani (16) quvib o'tdi.

Eslatib o'tamiz, “Yuventus” o'z maydonida “Parma” bilan 3:3 hisobida durang o'ynadi.