Anchelotti: «Futbol – oddiy o'yin. To'p yumaloq, darvoza qimirlamaydi, maydon har doim bir xil»

Angliyaning «Everton» klubi bosh murabbiyi Karlo Anchelotti «Brayton» (4:2) klubiga qarshi uchrashuvdan keyingi fikrlari bilan o'rtoqlashdi.

O'yin haqida:

«Brayton» yaxshi o'ynadi. Lekin biz yaxshiroq o'ynadik. O'yinni nazorat qildik, himoya va qarshi hujumda sovuqqonlik bilan harakat qildik. Maydonning har bir qarich joyida yaxshi harakat qildi, shuning uchun g'alaba qozondik. Oldimizda 15 kunlik tanaffus bor, keyin oldimizda jiddiy imtihon turibdi, qo'shnilarimiz bilan qiyin uchrashuv kutmoqda»

Xames Rodriges haqida:

«Men boshida aytganman, bunday mohir futbolchilarda yangi jamoaga moslashish degan narsa bo'lmaydi. Futbol u darajada qiyin emas. Maydon har doim bir xil, raqiblar har doim 11 nafar futbolchi, to'p yumalov va darvoza qimirlamaydi. Futbol – juda oddiy o'yin»

Kelvert-Lyuinning to'rtta o'yinda kiritgan oltita goli haqida:

«Buning sodir bo'lishini biror bir sababi yo'q. U o'ziga ishonadi, o'sishda davom etmoqda, gol kiritmoqda, bu esa hujumchi uchun eng asosiysi. Bu Dominikning yulduzli onlari», – dedi Anchelotti.