Shomurodov Italiya A seriyasiga ko'chib o'tishga yaqin turibdi

"Rostov" hujumchisi Eldor Shomurodov faoliyatini Italiya chempionatida davom ettirishi mumkin.

Jurnalist Janluidji Longari tarqatgan xabarlarga ko'ra, rostovliklar 25 yoshli futbolchining transferi borasida "Jenoa" bilan muzokara olib borishmoqda. Manbada aytilishicha, Italiya klubi o'zbekistonlik futbolchi uchun 8 million evro to'laydi. Longarining aytishicha, muzokaralar ijobiy ruhda davom etmoqda.

Eslatib o'tamiz, Shomurodov joriy mavsumda 9ta uchrashuvda maydonga tushib, bitta gol urdi va bitta golga uzatma berdi.