«Chelsi» rahbariyatiga Sarrining tanqidi yoqmadi

«Chelsi» bosh murabbiyi Mauritsio Sarrining futbolchilarni tanqid qilishi klub rahbariyatiga yoqmadi. Bu haqda The Times xabar tarqatdi.

Manbaga ko'ra, italiyalik mutaxassis o'z noroziligini matbuotda  ochiq e'lon qilayotgani rahbariyatga ma'qul kelmayapti. Shuningdek, murabbiy Kallum Xadson-Odoining xizmatidan foydalanmayotgani ham rahbariyatning pozitsiyasiga mos emas.

«Chelsi» Angliya premer-ligasining 24-turidan so'ng 47 ochko bilan jadvalda 5-o'rinni egallab turibdi.