APLning 2020/21 yilgi mavsumi muxlislarsiz o'tishda davom etsa, eng ko'p zarar ko'radigan klub ma'lum bo'ldi
/ Kiritdi: BestMaster Ko'rilgan: 832
Buyuk Britaniyaning The Telegraph nashri Premer Liga 2020/21 yilgi mavsumi muxlislarsiz o'tgan taqdirda jamoalar qancha miqdordagi daromaddan quruq qolishini hisoblab chiqdi.
Unga ko'ra, «Manchester Yunayted» o'yinlar bo'sh stadionlarda o'tishda davom etsa barchadan ko'p pul yo'qotadi — 150 million evro. Shuningdek, «Arsenal» ham bundan jiddiy zarar ko'radi, londonliklar 133 million evrodan quruq qolishi mumkin. Bu «kanonirlar» uchun juda katta yo'qotish bo'ladi, sababi chiptalar savdosidan tushadigan pul klub daromadining chorak qismini tashkil qiladi.
Avvaliga 1 oktyabrdan Angliya stadionlarida tomoshabinlar tashrifiga ruxsat berilishi rejalashtirilgandi. Biroq Buyuk Britaniya bosh vaziri Boris Jonson koronavirusning ikkinchi to'lqini sabab mazkur qarorni bekor qildi.
Ma'lumot uchun, Frantsiya va Germaniya chempionlarida stadionlarga cheklangan miqdorda tomoshabinlar kiritilmoqda.