Sarri: «Azar o'z o'yinini o'zgartirishi lozim»

«Chelsi» bosh murabbiyi Mauritsio Sarri klub etakchisi Eden Azar haqida o'z fikrlarini bildirib o'tdi.

«O'ylashimcha, u o'zgarmoqda. U individual o'ynashga o'rganib qolgan. Endi u boshqacha o'ynashi lozim. U o'z o'yinini o'zgartirish oson kechmaydi. Lekin Eden boshqacha o'ynashga tayyor ekanini ko'ryapman.

Albatta, u o'z o'yinini kuchaytirishi kerak. Bu normal holat. Texnik jihatdan Azar fantastik o'yinchi. Ammo taktik jihatdan u yanada ko'proq ishni amalga oshira oladi», – dedi Sarri goal.com saytiga bergan intervyusida.

Azar ushbu mavsumda «Chelsi» safida barcha musobaqalar doirasida 30ta o'yinda maydonga tushib, 13ta gol urdi va 10ta golga hammualliflik qildi.