"Ayaks" futbolchisi "Barselona"ga o'tishga yaqin turibdi

"Barselona" va "Ayaks" himoyachi Sergino Dest borasida kelishuvga erishishdi. Ondo Cero Radio xabariga ko'ra, 19 yoshli futbolchi 20 million evro evaziga Kataloniya klubiga o'tadi.

Shuningdek, yana 5 million evro bonus sifatida to'lanishi mumkin.

Ma'lumot uchun, amerikalik futbolchi 2019/20-yilgi mavsumda "Ayaks" tarkibida 35 uchrashuvda 2 ta gol va 6 ta gollik uzatma amalga oshirdi.

Transfermarkt portali Destning narxini 18 million evroga baholamoqda.

Manba: Ondo Cero Radio