Pirlo: "Kimningdir g'oyasini ko'chirib olmoqchi emasman"

Turinning "Yuventus" klubi bosh murabbiyi Andrea Pirlo o'zining birinchi rasmiy uchrashuvida "Sampdoriya" (3:0) klubi ustidan qozonilgan g'alaba haqidagi fikrlari bilan o'rtoqlashdi.

"Birinchi bo'limni yaxshi o'tkazdik, lekin gol kiritishni uddasidan chiqmadik. O'yinni oxiriga borib yigitlar charchab qolishdi, lekin baribir o'yin nazoratini o'z qo'limizda ushlab turdik. Biz o'ylagan narsalarimizni amalga oshirish uchun biroz vaqt kerak. Men kimningdir g'oyasini ko'chirib olmoqchi emasman. Afsuski vaqtimiz ko'p emas, chunki, mavsumoldi yig'inlarni kech boshladik, keyin futbolchilar o'z terma jamoalari ixtiyoriga ketishdi", — Pirloning so'zlaridan iqtibos keltirmoqda Football Italia.