Ronaldu «Yuventus»ning ishonchli starti haqida qanday fikrda?

«Yuventus» hujumchisi Krishtianu Ronaldu Italiya chempionatining ilk turi doirasida bo'lib o'tgan «Sampdoriya»ga qarshi o'yin (3:0) borasida o'z fikrini bildirib o'tdi. Portugaliyalik futbolchi bahsning 88-daqiqasida o'z hisobiga bitta gol yozdi.

«Mavsumni g'alaba bilan boshlash hamisha yaxshi! Ajoyib ish, ajoyib jamoa», — deya yozdi Ronaldu instagram orqali.

Ma'lumot o'rnida. Ronaldu mavsum-2019/20da «Yuventus» safida 33ta o'yinda 31ta gol urib, 6ta golga assistentlik qildi. Turinliklar «Inter»ni 1 ochko ortda qoldirgan holda Skudettoni qo'lga kiritishdi.

«Yuventus» Italiya chempionatining 2-turida «Roma» mehmoni bo'ladi.

Manba: sport24.ru