Svetlana Radzivil Chexiyadagi musobaqada kumush medalga sazovor bo'ldi

Chexiyaning Trshintse shahrida engil atletikaning balandlikka sakrash yo'nalishi bo'yicha «BESKYDSKÁ LAŤKA» xalqaro turniri bo'lib o'tdi. Ushbu musobaqada yurtimiz sharafini Svetlana Radzivil va Nadiya Dusanova himoya qilishdi.

Bellashuvlarda 192 sm balandlikni zabt etgan ukrainalik sportchi Katerina Tabachnik oltin medalga sazovor bo'ldi. Svetlana Radzivil va britaniyalik Morgan Layk bir hil natija ko'rsatib, kumush medalni qo'lga kiritishdi. Sportchilar 189 sm natijani ilk urinishdayoq qayd eta oldilar. 192 sm balandlikka esa sakray olishmadi.

Nadiya Dusanova 185 sm balandlikni zabt etgan holda to'rtinchi o'rindan joy oldi.