«PSJ»: Neymar 10 haftaga safdan chiqdi, u operatsiya qilinmaydi

«PSJ» hujumchi Neymarning jarohati borasida bayonot berdi. Braziliyalik futbolchi Frantsiya kubogining 1/16 bosqichida bo'lib o'tgan«Strasbur»ga qarshi o'yinda (2:0) o'ng oyog'ining suyagini sindirib oldi.

Parijliklar rasmiy saytining xabar tarqatishicha, tibbiy ko'rikdan keyin Neymarni jarrohlik amaliyotisiz davolash haqida qaror qabul qilingan. O'yinchining tiklanishi uchun 10 hafta vaqt ketadi.

Shu tariqa, Neymar Evropa chempionlar ligasining nimchorak final bosqichi doirasida bo'ladigan «Manchester Yunayted»ga qarshi o'yinlarni o'tkazib yuboradi.