«Mash'al» markaziy stadionida ta'mirlash ishlari qizg'in davom etyapti

Ayni paytda Muborakning “Mash'al” markaziy stadionida yangi mavsumga qizg'in hozirlik ishlari olib borilmoqda.

Tribunalardagi o'rindiqlarni o'rnatish ishlari ham boshlab yuborildi. Stadionda yoritish tizimi ham qayta ko'zdan kechirilyapti. Futbolchilarning kiyinish, yuvinish xonalari, hakamlar, nazoratchi hakam, komissar xonalari, OAV xodimlari xonalarini ham jihozlar ishlari olib borilmoqda.

Uchrashuvni bevosita stadiondan kuzatib borish uchun tashrif buyuradigan muxlislar uchun zamonaviy hojatxonalar xam qurib bitkazildi. “Mash'al” futbol akademiya yotoqxonalari, murabbiylar, o'quv hamda kompyuter xonalari qayta ta'mirlandi.