Gattuzo Pentekni maqtadi

«Milan» bosh murabbiyi Jennaro Gattuzo Italiya kubogining chorak final bosqichi doirasida bo'lib o'tgan «Napoli»ga qarshi o'yin (2:0) borasida o'z fikrlarini bildirib o'tdi.

«Biz «Napoli»dek ajoyib jamoaga qarshi a'lo darajada o'ynadik. Yaxshi himoyalandik. Paketaning mahorati va Kastilexoning tezligi g'alaba uchun zamin yaratdi.

Pentek ikkinchi golni deyarli yo'q joydan urishga muvaffaq bo'ldi. Oldingi chiziqda u haqiqiy to'purar-qotil. Safimizda shunday o'yinchi borligidan xursandmiz. Ammo butun jamoani tabriklashim kerak. Barchamiz birgalikda kuchli raqibga qarshi tura oldik. Keyin esa o'yin taqdirini Pentek hal qildi», — dedi Gattuzo.