«Davis Cup». Serbiya terma jamoasi poytaxtimizda O'zbekistonga qarshi o'yinga tayyorgarlik ko'rmoqda

Xabar berib o'tganimizdek, 1-2 fevral kunlari O'zbekiston terma jamoasi poytaxtimizda «Devis Kubogi» doirasida Serbiyaga qarshi bahs olib boradi.

Raqiblar Toshkent shahriga etib kelishgan. Serbiya terma jamoasi yurtimizga quyidagi tashrifda tashrif buyurgan: Dushan Layovich, Filip Krayinovich, Laslo Jere, Nikola Miloevich va Viktor Troitski. Serbiyaliklar «Sahovat sport servis» majmuasida mashg'ulotlarni olib bormoqdalar.

«Jamoada muhit ajoyib. Toshkentga kelib, mashg'ulotlarni boshlab yubordik. Moslashish jarayoni oson bo'layotgani yo'q, ammo biz mashg'ulotlarni yaxshi o'tkazyapmiz va uchrashuvgacha tayyor bo'lamiz. Eng asosiysi – biz g'alabaga o'zimizni tayyorlaganmiz», – deya Krayinovichning so'zlaridan iqtibos keltirmoqda Serbiya tennis federatsiyasi rasmiy sayti.

Eslatib o'tamiz, musobaqa davomida O'zbekiston terma jamoasi sharafini Denis Istomin, Humoyun Sultonov, Sergey Fomin, Sanjar Fayziev va Jo'rabek Karimov himoya qiladi.

Bugun soat 11:45 da terma jamoa sardorlari ishtirokida matbuot anjumani tashkil etiladi. Anjuman davomida terma jamoamiz sardori Farrux Do'stov hamda serbiyaliklar vakili Nenad Zimonich jurnalistlar savollariga javob qaytaradi.