«Lokomotiv» Turkiyaga yo'l oldi

O'zbekiston chempioni "Lokomotiv" yangi 2019 yilgi mavsum uchun tayyorgarlikning navbatdagi bosqichini o'tkazish uchun Turkiyaga jo'nab ketdi.

30 yanvar-13 fevral kunlari Antaliyada o'tadigan yig'inlarda "Lokomotiv" futbolchilari 4ta sinov-nazorat o'yinlarini o'tkazadi.

Klub matbuot xizmatining ma'lum qilishicha, dastlab, 4 fevral kuni Mokvaning "Dinamo"si “temiryo'lchilar” raqibi bo'ladi. "Lokomotiv" 6 fevralda Qozog'istonning 5 karra chempioni "Astana" klubi bilan kuch sinashadi. 9 fevralda esa Ukrainaning "Zarya" jamoasi "Loko" bilan bahs olib boradi. "Temiryo'lchilar" 12 fevralda Sloveniyaning "Olimpik" klubi bilan bahs olib boradi.