«Andijon» 7 fevralga qadar Toshkentda yig'in o'tkazadi

Toshkentda yig'in o'tkazayotgan “Andijon” jamoasi selektsiya ishlarini jadal sur'atda olib bormoqda.

Klub matbuot xizmatining ma'lum qilishicha, “burgutlar” jamoasi Ruslan Melzitdinov, Usmonali Ismonaliev, Bobur Omonov, Ro'zimboy Ahmedov va Abror Husinov kabi futbolchilar bilan kelishuvga erishdi. Jamoa tarkibi sekin-asta mahoratli futbolchilar bilan to'ldirib borilmoqda.

Qayd etish joizki, “Andijon” poytaxtdagi yig'inini 9 yanvar sanasidan boshlagan edi. Rejaga ko'ra, andijonliklar Toshkentda 7 fevralga qadar mashg'ulotlar olib borishadi. Yig'in davomida yana bir nechta sinov-nazorat bahslari ham o'tkaziladi.