Sirdaryoda hududiy bolalar-o'smirlar futbol akademiyalari direktorlari uchun o'quv-seminari boshlandi

O'zbekiston futbol assotsiatsiyasi huzuridagi hududiy bolalar-o'smirlar futbol akademiyalari faoliyatini to'g'ri yo'lga qo'yish, ularning samaradorligini oshirish, akademiyalar tarbiyalanuvchilaridan mahoratli futbolchilar etishib chiqishini ta'minlash maqsadida bir qator chora-tadbirlar amalga oshirilmoqda. 

O'zbekiston futbol assotsiatsiyasining “Futbolni rivojlantirish departamenti” tomonidan 30-31 yanvar hamda 1 fevral kunlari Sirdaryo viloyatida hududiy bolalar-o'smirlar futbol akademiyasi direktorlari, sport ishlari bo'yicha direktor o'rinbosarlari hamda sport shifokorlari uchun navbatdagi o'quv-seminari o'tkazilishi haqida xabar berib o'tgan edik. 

Bugun Respublika va hududiy bolalar o'smirlar futbol akademiyasi direktorlari uchun o'quv-seminari boshlandi. Mazkur o'quv-seminarining birinchi kunida 2018 yil IV-chorak yakuni bo'yicha hisobotlar, 2019 yildagi o'tkaziladigan musobaqalar, 2019 yil uchun ish taqsimotlari, yuzaga kelayotgan muammolarni bartaraf etish, futbolchilarni tayyorlash dasturi hamda mashg'ulot jarayonlarini monitoring qilish masalalari muhokama qilinadi.

Seminarni “Futbolni rivojlantirish departamenti” direktori O'ngarbay Djalimov olib bormoqda.