«Sho'rtan» bir qator murabbiylar bilan muzokaralar olib bormoqda

Shu kunlarda yangi mavsumga tayyorgarlik ko'rayotgan “Oq bo'rilar” jamoasi bir qator nazorat uchrashuvlarini o'tkazdi. Uchta baxsda ham yirik hisobdagi mag'lubiyatlar qayd etildi.

Jamoa oldiga bosh homiy “Sho'rtanneftgaz” MChJ rahbariyati tomonidan 2019 yilgi chempionatda Superligaga yo'llanmani qo'lga kiritish vazifasi qo'yilgan.

Tabbiyki, buning uchun futbolchilar bilan tajribaliroq hamda malakali mutaxassislar ish olib borishi kerak. “Sho'rtan” PFK bosh direktori V.G.Aleshnikovning so'zlariga qaraganda, ayni paytda bir qator taniqli murabbiylarning nomzodlari ko'rib chiqilyapti. Ularning ayrimlari bilan muzokaralar ham o'tkazildi.

Klub matbuot xizmatining ma'lumot berishicha, yaqin kunlar ichida “Sho'rtan” jamoasiga yangi bosh murabbiy tayinlanadi.