A seriya. Restartdan keyin kim qancha ochko jamg'ardi? (+jadval)

Italiya chempionatida koronavirus pandemiyasi bilan bog'liq tanaffusdan keyin to'laqonli 12ta tur bahslari o'tkazildi. 8ta klub esa 13ta uchrashuvda maydonga tushishdi.

"Milan" restartdan keyin "chempion"ga aylandi. "Rossoneri" 36 imkoniyatdan 30 ochko to'pladi. Pioli jamoasi mavsum qayta boshlanganidan keyin biror marta mag'lubiyatga uchramadi — 9ta g'alaba, 3ta durang. Milanliklar tanaffusga qadar 36 ochko bilan jadvalda 9-o'rinni egallab turishgan edi. Jamoa mavsumni 66 ochko 6-o'rinda yakunladi.

Restartdan keyin "Atalanta" 27 ochko bilan 2-o'rinni egallagan bo'lsa, "Inter" 25 ochko bilan uchinchi pog'onani band etdi.

Italiya chempionligini qo'lga kiritgan "Yuventus" esa bor-yo'g'i 20 ochko to'pladi va restartdan keyingi jadvalda 6-o'rinni band etdi. Chempionat to'xtatilgunga qadar "keksa sinora"dan atigi 1 ochko ortda qolayotgan "Latsio" mavsumning yozgi qismini butunlay boy berdi — 16 ochko. Natijada rimliklar chempionatni 4-o'rinda yakunlashdi.

Quyida restartdan keyin jamoalar to'plagan ochkolar va ularning o'rinlari keltirilgan jadvalni e'tiboringizga havola qilamiz.

Izoh: * — restartdan keyin 13ta o'yin o'tkazgan klublar.