Roberto Karlos O'zbekistonga etib keldi

Jahon futboli yulduzi Roberto Karlos poytaxtimizga etib keldi. Braziliyalik jahon chempioni joylashgan samolyot soat 09:30da Islom Karimov nomidagi "Toshkent Xalqaro aeroporti"ga qo'ndi. Bugshun Braziliya terma jamoasi tarkibida jahon chempionligini qo'lga kiritgan futbol afsonasi turli tadbirlarda ishtirok etadi.  

Jumladan, soat 12:00da yosh futbolchilar uchun O'FA maydonida master-klass tashkil etiladi. Keyin shu erning o'zida faxriy futbolchilar ishtirokida o'rtoqlik o'yini bo'lib o'tadi. Uchrashuv 10 daqiqadan 2ta taym davom etadi. Roberto Karlos har ikkala jamoa tarkibida bitta taymdan maydonda to'p suradi. 

Soat 15:00da Roberto Karlos A.P.Xlebushkina nomidagi Mehribonlik uyiga tashrif buyurib, u erdagi tarbiyalanuvchilar bilan uchrashadi va ularga sovg'alar taqdim qiladi. Soat 16:00da esa Milliy olimpiya qo'mitasida Roberto Karlos bilan matbuot anjumani tashkil etiladi.  

Yurtimizda faoliyat olib borayotgan barcha turdagi ommaviy axborot vositalarini mazkur tadbirlarni yoritishga taklif qilib qolamiz.