Bugun «Navbahor» jamoasi Qrimdagi ikkinchi nazorat uchrashuvini o'tkazadi

«Navbahor»da yarim mavsum to'p surib, «bombardir» bo'lgan Yuriy Tselixning sobiq jamoasi «Sevastopol» bugun "lochinlar"ga qarshi o'ynaydi. Sevastopol shahri jamoasi Qrimning ikkinchi raqamli jamoasi sanaladi. Birinchi raqamli klubini esa jamoa 4 kun avval mag'lub etgandi.

«Sevastopol»ga qarshi uchrashuv 16:00da Evpatoriyadagi o'yingohda boshlanadi.

Ma'lumot uchun, 31 yanvar kuni esa "Navbahor" so'nggi o'yinni mahalliy «Evpatoriya» klubi bilan o'tkazadi va ertasiga yurtimizga qaytib keladi.