«Metallurg» Turkiyada yig'inni boshladi

Avval xabar berganimizdek, Bekobodning “Metallurg” jamoasi mavsumoldi uchinchi yig'inni o'tkazish uchun Turkiya safariga jo'nab ketgandi.

Jamoa a'zolari Toshkent – Istanbul – Antaliya yo'nalishi bo'yicha kecha manzilga etib olishdi va birinchi kunning o'zidayoq kechki payt mashg'ulot o'tkazishga ulgurishdi.

Klub matbuot xizmatining ma'lumot berishicha, Antaliyada bekobodliklar 11 fevral sanasigacha mashg'ulotlarni davom ettirishadi. Jismoniy tiklanish jarayoni bilan bir qatorda xalqaro o'rtoqlik uchrashuvlari o'tkazilishi ham rejalashtirilgan. Nazorat o'yinlaridagi raqiblar Armaniston, Qozog'iston hamda Turkiya jamoalari bo'lishi kutilyapti.