Valverde Gvardiolani tanqid qildi

Kataloniyaning "Barselona" klubi bosh murabbiyi Ernesto Valverdening hisoblashicha, "Manchester Siti" bosh murabbiyi Xosep Gvardiola Frenki De Yong bilan o'zaro muzokara o'tkazib, xatoga yo'l qo'ydi.

Shu yilning yozida niderlandiyalik 21 yoshli futbolchi "Ayaks"dan «Barselona» safiga o'tadi. U o'z intervyularidan birida Gvardiola unga aloqaga chiqib, "Manchester Siti"ga chorlagani, lekin kataloniyaliklar safiga o'tishni tanlagani haqida aytib o'tgandi.

"Boshqa klub bilan shartnomasi bor futbolchi bilan muzokara o'tkazish - bu hurmatli murabbiylarning ishi emas. Shaxsan men bunday qilmayman. Ammo har kimning o'z ish uslubi bor, bu borada bahslashmayman", -degan Valverde.