RPL. 2020/2021 yilgi mavsumda nechta jamoa ishtirok etishi ma'lum bo'ldi

Rossiya futbol ittifoqi Rossiya Premer-ligasi jamoalari sonini oshirish masalasini ko'rib chiqmaydigan bo'ldi.

Eslatib o'tamiz, ushbu yil avvalida RPLning ko'pgina jamoalari Ligani 18ta klubga oshirish g'oyasini qo'llab quvvatlagan edi. Yangi format 2020/2021 yilgi mavsumda joriy qilinishi ko'zda tutilgan edi. Ammo bu g'oya boshlanajak mavsumda amalga oshirilmaydigan bo'ldi va RPLning yangi mavsumi 16ta jamoa bilan boshlanadi.

Boz ustiga, koronavirus pandemiyasi tufayli mavsumda tanaffus yuzaga kelgani bois, RPL va FNL jamoalari o'rtasidagi o'tish bahslari bekor qilindi. Shu bois, joriy mavsumda faqat 2ta klub — «Rotor» va «Ximki» yuqori divizionga chiqishdi.