Ronaldu Immobiledan o'tib ketdi. U «Oltin butsa» sari intilmoqda

«Yuventus» hujumchisi Krishtianu Ronaldu Italiya chempionatining 34-turi doirasidan o'rin olgan «Latsio»ga qarshi o'yinda ikkita gol urishga muvaffaq bo'ldi.

Portugaliyalik futbolchi 51-daqiqada penaltidan hisobni ochgan bo'lsa, oradan 3 daqiqa o'tib u hisobdagi farqni ikkitaga oshirdi.

Natijada Ronalduning A seriyaning joriy mavsumidagi gollari soni 30taga etdi. U shu paytgacha to'purarlar ro'yxatidan etakchilik qilayotgan Chiro Immobile (29ta gol)dan o'tib ketdi.

Evropaning eng yaxshi to'purariga beriladigan "Oltin butsa"ni qo'lga kiritish uchun Ronaldu qolgan 4ta turda kamida 5ta gol urishi kerak. Chunki, "Bavariya" forvardi Robert Levandovski Bundesliganing ushbu mavsumida 34ta gol urgan.