Kike Seten: «Bir-birimizni qo'llab-quvvatlash maqsadida birlashmoqchimiz»

«Barselona» bosh murabbiyi Kike Seten ertangi «Alaves»ga qarshi o'yin oldidan fikr bildirib o'tdi.

Chempionlar Ligasi haqida
"Chempionlar ligasidagi bo'lajak o'yin haqida o'ylab, o'zimizni yaxshi his qilyapmiz. Ertaga bizni muhim o'yin kutmoqda. Shundan keyin o'zimizni engib, birgalikda, kelajak haqida o'ylashimiz kerak".

Bartomeu bilan uchrashuv to'g'risida
"Shubhasiz, biz hozirgi vaziyatdan xavotirdamiz. Uni o'zgartirish uchun echim topishga harakat qilmoqdamiz. Biz kelajakka tayyorgarlik ko'rayotgan edik.

Endi biz qolgan narsalarga e'tibor qaratishimiz kerak. Ha, bu Chempionlar Ligasi va ushbu turnir bizga ko'p narsalarni olib keladi degan umiddamiz.

Biz bir-birimizni qo'llab-quvvatlash maqsadida birlashmoqchimiz. Biz ichki chempionatni yuta olmadik, ammo oldimizda juda ajoyib maqsad bor".