"Andijon": "Mash'al" klubiga qarshi o'yinga tayyorgarlik boshlandi

Superliganing 10-turida Muborakda mahalliy "Mash'al" jamoasiga qarshi bahs olib boradigan "Andijon" jamoasi bugun Yangier shahrida tayyorgarlikni boshladi.

Andijonda bo'lib o'tgan "Surxon" jamoasiga qarshi uchrashuvdan keyin futbolchilar bir kunlik hordiq chiqarishdi va bugun Yangier shahriga jamlanishdi.

Futbolchilarimiz olti kun mobaynida Yangier shahrida o'quv-yig'in mashg'ulotlarini olib borishadi va 20 iyul kuni Qashqadaryo viloyati tomon yo'l oladi.

Eslatib o'tamiz, "Mash'al" hamda "Andijon" jamoalari o'rtasidagi uchrashuv 22 iyul kuni bo'lib o'tadi.

Manba: "Andijon" matbuot xizmati