"Sautgempton" murabbiyi: "MYu" bilan o'yinda biz o'zimizni yaxshiroq his qildik"
/ Kiritdi: BestMaster Ko'rilgan: 328
![](https://futboltv.asia/images/news/sautgempton_murabbiyi.jpg)
Angliyaning «Sautgempton» klubi bosh murabbiyi Ralf Xazenxyuttl APLning 35-tur doirasida «Manchester Yunayted» (2:2) klubi bilan qayd etilgan durang haqidagi fikrlari bilan o'rtoqlashdi.
- Agar hujum qilishni to'xtatsangiz, u holda yakka kurashlarda muammoga duch kelasiz. Biz o'yinni juda kuchli boshladik, gol urdik va hujum qilishda davom etdik. Pressingda butun jamoa ishtirok etishi kerak. Raqibga gol urish uchun ikkita imkoniyat berdik, lekin birinchi xatodan keyin o'z o'yinimizni topib oldik. Menga shunday his bo'ldiki, biz "MYu"dan kuchli edik. To'pni yaxshi nazorat qildik, o'yin balansini nazorat qildik va ikkinchi bo'limda juda yaxshi imkoniyatlarga ega bo'ldik. O'ylaymanki, yigitlarimiz bugungi qayd etilgan natijaga haqli edi. So'nggi o'yinlarimizda ko'proq to'p bilan muomila qildik, yanada dadilroq o'yin namoyish eta boshladik. Biz qo'rqmay o'ynashni boshladik, chunki yo'qotadigan hech narsa yo'q edi, shu sababli, bemalol o'ynadik, — dedi Xazenxyuttl BBC bilan suhbatda.