UEFA «Man Siti» ishi tufayli moliyaviy halol o'yin qoidasini bekor qilmaydi

Sport arbitraj sudi 13 iyul, dushanba kuni "Manchester Siti"ning apellyatsiyasini qanoatlantirib, UEFAning klubni 2 yilga evrokuboklardan chetlatish haqidagi qarorini bekor qildi. Bundan tashqari, «Siti»ning jarima summasi ham qisqartirildi.

Ekspertlarning fikricha, bu UEFA va moliyaviy halol o'yin tizimiga berilgan jiddiy zarba hisoblanadi. Shunga qaramay, tashkilot bu bu qoidani bekor qilmoqchi emas.

«So'nggi yillardagi moliyaviy feyr-pley shuni ko'rsatdiki, u moliyaviy barqaror klublarni himoya qilishda samarali tizim hisoblanadi. Shu bois, UEFA bundan keyin ham ushbu qoidaga amal qilishda davom etadi», - deyiladi UEFA tarqatgan bayonotda.