Sud qarori e'lon qilindi: «Manchester Siti» Chempionlar ligasida o'ynaydi!

Sport arbitraj sudi «Manchester Siti» klubining apellyatsiyasini qanoatlantirish haqida qaror qabul qildi. Shu bois, "shaharliklar" kelasi mavsumda Evropa chempionlar ligasida ishtirok etadi.

Eslatib o'tamiz, «Man Siti» moliyaviy halol o'yin qoidasini buzgani uchun UEFA fevral oyida klubni ikki yilga evrokuboklardan chetlatish va 30 million evro miqdorida jarimaga tortish haqida qaror qabul qilgan edi. "Siti" mazkur qaror yuzasidan CASa apellyatsiya kiritgan edi.

Sud klubni evrokuboklardan chetlatish haqidagi qarorni bekor qilib, jarima miqdorini qisqartirdi. Klub endi 10 million evro jarima bilan qutuladi.