«Paxtakor» — AGMK. O'yin oldidan qiziqarli faktlar

Superliganing 9-turi doirasida mavsum peshqadami "Paxtakor" jadvalda 2-o'rinda borayotgan AGMKni qabul qiladi. O'yin oldidan qiziqarli faktlar bilan tanishtirib o'tamiz.

— Qiziq tarafi, har ikkala jamoa ayni paytda chempionatda eng kam gol (-4) o'tkazib yuborgan jamoa hisoblanadi.

— Mirjalol Qosimov boshchiligidagi AGMK barcha o'yinlarda gol urayotgan yagona jamoa. AGMK qatorasiga 8 uchrashuvda raqiblar darvozasiga yo'l topishni uddalab kelmoqda.

— Yana bir e'tiborga molik tarafi, AGMK qatorasiga uchinchi o'yinni musobaqa jadvalidagi yuqori uchligida borayotgan jamoalarga qarshi o'tkazmoqda. Dastlab jadvalda 3-o'rinda borgan "Nasaf" bilan o'ynagan va ularni mavsumdagi ilk mag'lubiyatini tan olishga majbur qilgan olmaliqlik, keyinchalik 3-o'ringa chiqqan "Qo'qon-1912"ni mag'lub etgandi. Bu gal peshqadam "Paxtakor" raqib bo'lmoqda.

— Nafaqat turning, balki birinchi davraning markaziy o'yini sifatida e'tirof etilayotgan o'yinni Sherzod Qosimov boshchiligidagi hakamlar guruhi boshqaradi. Mazkur referi AGMK ishtirokida 18 uchrashuvda ishlagan va unda jamoa: 8 g'alaba, 3 durang va 7 mag'lubiyat qayd etgan. "Paxtakor" esa Qosimov boshqargan bellashuvlarda 14 g'alaba, 3 durang va 3 bor mag'lubiyatga uchragan.

Manba: www.fc-agmk.uz