APL. «Sheffild» «Chelsi»ga «shef» kimligini ko'rsatib qo'ydi (videosharh)

«Sheffild Yunayted» Angliya chempionatining 35-turi doirasida o'z uyida «Chelsi»ni qabul qilib, yirik hisobda g'alaba qozondi.

Mezbonlar o'zlari yaratgan vaziyatlardan ancha oqilona foydalanishdi. Ayniqsa, birinchi bo'limda ular "Chelsi" darvozasini 2 marta ishg'ol qilib, katta ustunlikka ega bo'lib olishdi. 18-daqiqada Devid Makgoldrik, oradan 15 daqiqa o'tib esa Oliver Makberni Kepa Arrisabalaga qo'riqlayotgan darvozani zabt etdi.

Londonliklar ikkinchi bo'limda vaziyatni o'nglash uchun harakat qilishdi. Bahsning 73-daqiqasida Aspilikueta tomonidan 22 metrlardan yo'llangan zarba natijasida to'p rekoshet orqali shundoqqina ustun yonidan o'tib ketgan bo'lsa, oradan 1 daqiqa o'tib Abraxam atigi 3-4 metr masofadan darvozaga aniq zarba bera olmadi.

"Sheffild" esa buning uchun raqibini jazoladi: Devid Makgoldrik yaqin masofadan darvozani ishg'ol qilib, o'yinda "dubl"ga erishdi. Mezbonlar to'rtinchi golni ham urishlari mumkin edi, ammo Lis Musse 11 metrli nuqta ustida to'pni darvozabonning ustidan tashlab qo'yishga urinib, biroz xatoga yo'l qo'ydi.

Mazkur mag'lubiyatdan keyin "Chelsi"ning top-4da qolish xavf ostida qoldi. "Sheffild Yunayted" esa so'nggi 4ta o'yinda 10 ochko jamg'arib, 54 ochko jadvalda 6-o'ringa ko'tarilib oldi. Jamoa Evropa yo'llanmasi eng asosiy da'vogarlardan biriga aylandi.

Angliya chempionati, 35-tur
Sheffild Yunayted – Chelsi 3:0 (2:0, 1:0)
Gollar: 1:0 – 18 Makgoldrik, 2:0 – 33 Makberni, 3:0 – 77 Makgoldrik.
Sheffild Yunayted – Xenderson, Stivens, Igan, Bashem (Djagelka, 68), Boldok, Berge (Landstrem, 63), Norvud, Osborn, O`Konnell, Makberni (Musse, 63), Makgoldrik.
Chelsi – Arrisabalaga, Aspilikueta, Zuma, Djeyms (Xadson-Odoi, 75), Kristensen (Ryudiger, 46), Barkli (Loftus-Chik, 78), Jorjino, Pulishich (Jiru, 66), Maunt (Alonso, 46), Villian, Abraxam.
Ogohlantirish: Boldok (3).