Besh o'yinchi almashtirish qoidasi 2020/21 mavsumga ham uzaytiriladi

Xalqaro futbol assotsiatsiyalari kengashi (IFAB) va FIFA bir o'yin davomida besh o'yinchini almashtirish qoidasini keyingi mavsumga ham uzaytirishni rejalashtirishmoqda. "The Athletic" tarqatgan xabarga ko'ra, bu haqda rasmiy xabar yaqin kunlarda e'lon qilinadi.

Avvalroq IFAB va FIFA beshta o'yinchi almashtirish qoidasini 2020 yildagi musobaqalarga joriy qilishga ruxsat bergan edi. Bu orqali koronavirus pandemiyasi tufayli qayta davom ettirilgan musobaqalar paytida o'yinchilarga tushadigan yuklama va jarohatlarni kamaytirish ko'zda tutilgan.

Jamoalar bu o'zgarishlarni 3ta to'xtalish orqali amalga oshirishlari kerak. Bundan tashqari, Kubok bahslarining qo'shimcha bo'limlarida yana bitta o'zgarish imkoniyati ham saqlanib qolindi.

Manba: sport24.ru