Mourino eng yaxshi jamoasi nomini aytdi, u "Real" ham, "MYu" ham emas

Portugaliyalik mutaxassis Joze Mourino bugun 26 yanvar kuni 56 yoshga to'ldi. U faoliyati davomida eng yaxshi klub nomini aytdi.

"Bilasizmi, men "Inter"ni faoliyatimdagi eng yaxshi jamoam deb aytishim lozim, chunki u bilan hamma narsa yutganman. Men ilk kundan boshlab oxirgi kunimgacha hamma narsa yutgan jamoamga xolislik va hurmat bilan munosabatda bo'lishim kerak.

"Inter" barcha musobaqalarda g'olib bo'lgan. Chempionlar ligasida "Barselona"ni yutgan (3:1), finalda "Bavariya" mag'lub etilgan (2:0). Fantastik darajada ochko to'plab A seriyada g'olib bo'lgan, hamda Italiya kubogini qo'lga kiritgan.