Key Liga. Ashurmatov va Iskanderov jamoalari mag'lub bo'lishdi

Janubiy Koreya chempionatida 10-tur bahslari bo'lib o'tmoqda. Bugun safida Rustam Ashurmatov bo'lgan "Kvangju" va Iskanderovning "Seongnam" klubi o'z uchrashuvini o'tkazishdi.

"Kvangju" o'z uyida "Tegu"ni qabul qilib, 2:4 hisobida imkoniyatni boy berdi. Bahsning 18-daqiqasida mezbonlar maydonda bir kishi kam bo'lib qolishdi — Li Min Ki maydondan chetlatildi. Shunga qaramay, "Kvangju" tengma-teng o'ynashni intildi, ammo imkoniyatni boy berib qo'ydi. Boz ustiga, o'yin tugashiga 5 daqiqa qolganida maydon egalarining yana bir futbolchisi qizil kartochka bilan jazolandi. Rustam Ashurmatov asosiy tarkibda maydonga tushib, uchrashuvda to'liq harakat qildi.

Mavsumni juda yaxshi boshlagan "Seongnam" so'nggi 6ta o'yindan beri g'alaba qozona olmayapti. Jamoa shundan 5tasida mag'lubiyatga uchradi. Bugun ham seongnamliklar "Poxang Stilers"ni qabul qilib, 0:4 hisobida yutqazib qo'ydi. Jamshid Iskanderov 70-daqiqada zaxiradan maydonga tushirildi. Bugungi mag'lubiyatdan keyin "Seongnam" 9 ochko bilan jadvalda 11-o'ringa tushib qoldi.

Janubiy Koreya Key-ligasi, 10-tur
"Kvangju" - "Tegu" - 2:4
Gollar: Felipe (25, 67) — Kim De Von (49) Deyan Damyanovich (50, 54), Sezinya (89)
Chetlatishlar: Li Min Ki (18), Yoe Bong Xun (85) — ikkisi "Kvangju"

"Seongnam" - "Poxang Stilers" - 0:4
Gollar: Son Ming Kyu (23, 50), Ilyuchenko (45+2), Manuel Palasios (67)