«Bunyodkor» - «Navbahor». Jamoalar libosining rangi, o'yinlar vaqti va hakamlar ma'lum

6 iyul kuni Coca Cola Cuperligada 8-tur o'yinlari start oladi.

Turning markaziy uchrashuvlaridan biri shubhasiz poytaxtda bo'lib o'tadi. Unda «Bunyodkor» «Navbahor» jamoalari o'zaro to'qnash keladi. Medallar uchun kurash olib borayotgan jamoalar o'rtasidagi bahs qiziqarli kechishiga shubha yo'q.

O'zbekiston Professional futbol ligasi uchrashuvni boshqarib boradigan hakamlar brigadasini ma'lum qildi. Unga ko'ra o'yin Asker Najafalievga ishonib topshirildi. Yoshlar birinchiligi doirasidagi bahsda esa, Alisher To'xtasinov ishlaydi. Bellashuvda «Bunyodkor» jamoasi to'liq ko'k, «Navbahor» futbolchilari to'liq qizil rangdagi liboslarda harakat qiladi.

YoShLAR LIGASI. 8-TUR
«BUNYoDKOR» – «NAVBAHOR»
6 iyul. Toshkent. «Bunyodkor» akademiyasi 1-maydoni. 19:00
Bosh hakam: Alisher To'xtasinov.
Qanot hakamlari: Sherzod A'zamov, Islom Azimov.
Zaxiradagi hakam: Edita Mirobidova.
Nazoratchi: Bobur Haydarov.
Komissar: Laziz Qo'chqorov.

SUPERLIGA. 8-TUR
«BUNYoDKOR» – «NAVBAHOR»
7 iyul. Toshkent. «Bunyodkor» stadioni. 20:00
Bosh hakam: Asker Najafaliev.
Qanot hakamlari: Andrey Tsapenko, Temur Gaynullin.
Zaxiradagi hakam: Alisher To'xtasinov.
Nazoratchi: Bobur Haydarov.
Komissar: Laziz Qo'chqorov.

Jamoalarning o'yinoldi rasmiy mashg'ulotlari «Bunyodkor» akademiyasining 2-maydonida bo'lib o'tadi. «Bunyodkor» o'yinoldi mashg'ulotlarini 6 iyul kuni soat 19:00da boshlasa, «Navbahor» jamoasi 20:00da mashg'ulotlarga kirishadi.