Mourino: "Bu oddiy holat. Futbolchilar ko'nikishi kerak"

Londonning "Tottenxem" klubi bosh murabbiyi Joze Mourino zaxirada qolayotgan futbolchilarning noroziligi bilan bog'liq mavzuda gapirdi. Portugaliyalikning fikriga ko'ra, ba'zida futbolchilar o'ta hissiyotga berilishadi.

"Bizda ajoyib o'yinchilar to'plangan katta klub bor. Ajoyib futbolchilar besh-olti yoki hatto o'n bitta emas. Ko'proq.

Dunyoda iqtidorli o'yinchilari zaxirada o'tiradigan ko'plab jamoalar mavjud. Bunday tendentsiyalar "Manchester Yunayted", "Liverpul", "Real", "Barselona", "Bavariya"da kuzatilmoqda. Bu odatiy amaliyot. Zaxirada bo'lish umuman fojia emas. Futbolchilar buni tushunib etishlari va hissiyotga berilmasliklari kerak», – dedi Mourino.