Pioli: «Milana» yana 30 ochko jamg'arishi kerak»

«Milan» bosh murabbiyi Stefano Pioli jamoasining mavsumning qolgan qismi uchun rejalari haqida fikr bildirdi.

Italiya chempionati yakunlanishiga 10 tur qolganida «rossoneri» 42 ochko bilan jadvalda 7-o'rinni egallab turibdi. Jamoa 1 iyul kuni 29-tur doirasida SPAL bilan to'qnash keladi.

«O'sishga erishish va o'z g'oyalarimizni hayotga tadbiq qilish uchun vaqt kerak. Yana 30 ochko to'plash kerak. Biz shunga e'tiborni qaratishimiz lozim. O'yinchi almashtirishlar har bir o'yinda hal qiluvchi ahamiyatga ega bo'ladi. Beshta o'yinchi almashtirish mumkinligi, bizga ko'proq echim izlash imkonini beradi.

Jadvaldagi holatimizdan qoniqmayapmiz, lekin «Milan» har qanday raqibni mag'lub eta oladi», – dedi Pioli "Football Italia" nashriga bergan intervyusida.

Eslatib o'tamiz, «Milan» 28-tur doirasida jadvalda 5-o'rinda borayotgan «Roma»ni 2:0 hisobida mag'lub etdi.