Gvardiola: «Bir mavsumda 4ta sovrin? Bu shunchaki xayol»

«Manchester Siti» bosh murabbiyi Xosep Gvardiola Angliya kubogining 1/16 final bosqichi doirasida bo'lib o'tadigan «Byornli»ga qarshi o'yin oldidan o'z fikrlarini bildirib o'tdi.

«Jamoa ushbu mavsumda 4ta sovrinni qo'lga kiritishga harakat qiladimi? Biz ertaga g'alaba qozonishga harakat qilamiz. Hozircha faqatgina shuni aytishim mumkin. Qolgani esa shunchaki — xayol.

Angliya kubogi "Byornli"ning asosiy vazifasi emas, degan gap-so'zlarni eshityapman. Demak, 11 futbolchi maydonga tushadiyu, g'alaba qozonmaslik uchun o'ynaydimi? Men bunga ishonmayman. Ular o'ynashga harakat qilishadi. Jamoa o'tgan mavsumda 7-o'rinni band etdi. Bu ular juda ajoyib natija edi.

Maydonga kuchli tarkibni tushiraman. APL jamoasiga qarshi kechadigan Angliya kubogi bahsida eng kuchli tarkib bilan o'ynashimiz kerak. G'alaba qozonishimizga ishonaman», – dedi Gvardiola.

Faktlar:
— «Manchester Siti» ushbu haftada Angliya liga kubogi final yo'llanmasini qo'lga kiritdi.
— Gvardiola jamoasi fevral oyida EChLning nimchorak final bosqichi doirasida «Shalke-04»ga qarshi bahs olib boradi.
— «Siti» APLda «Liverpul»dan 4 ochko ortda qolgan holda, 2-o'rinda bormoqda.