Ibrohimhalil Yo'ldoshev: "Bunyodkor" safida to'p tepaman deb o'ylamagan edim"

O'zbekiston Superligasining 6-turidan o'rin olgan "Bunyodkor" hamda "Lokomotiv" jamoalari o'rtasidagi o'yinda "qaldirg'ochlar" safida yosh himoyachi Ibrohimhalil Yo'ldoshev debyut qildi. Himoyachi saytimiz uchun bergan intervyusida debyut uchrashuvi haqida to'xtaib o'tdi.

Ma'lumot uchun, "Bunyodkor" futbolchini "Paxtakor"dan mavsum so'nggiga qadar ijaraga olgan.

"To'g'risini aytaman, umuman kun kelib "Bunyodkor" safida to'p tepaman deb o'ylamagan edim. "Qaldirg'ochlar" safidagi debyut o'yinimni o'tkazdim, bundan xursandman. "Paxtakor"ga uchralgan mag'lubiyatdan keyin, "Lokomotiv"ga qarshi o'yin oldidan jamoaga katta ma'sulit yuklatilgan edi. Nima qilib bo'lsa ham bu o'yinda g'alaba qozonishimiz shart edi va buni uddaladik. Birinchi o'yinim bo'lgani uchun boshida biroz hayajonlandim, 15-20 daqiqadan keyin hammasi o'tib ketdi.  

"Paxtakor"dan "Bunyodkor"ga o'tishi haqida 

"Bunyodkor" taklifini qabul qilishimda qiyinchilik bo'lmadi. Sababi men "Paxtakor" safida yoshlar ligasida harakat qilayotgandim. Bu erda esa asosiy jamoada o'ynayapman. Bu men uchun ham ,o'yin amaliyotiga ega bo'layotganim sababli "Paxtakor"ga ham foyda bo'ladi.

Raqib "Lokomotiv" haqida

"Raqibga to'xtaladigan bo'lsak, hamma biladi "Lokomotiv" O'zbekistonning nomdor jamoalaridan biri hisoblanadi. Birinchi bo'limda ular yaxshiroq qarshilik ko'rsatishdi, tengma-teng kurashlar bo'ldi. Ikkinchi bo'limda esa biz o'yinni kuchaytirdik, to'p nazoratini qo'lga oldik va bundan foydalanib ikkinchi golni kiritdik. Raqib safida zaxiradan maydonga tushgan futbolchilar sal bo'lsa ham o'yinni kuchaytira olishdi deb o'ylayman".